Супрацоўнік філіяла Скачкоўская сельская бібліятэка-клуб арганізаваў гульню-віктарыну «Святло друкаванага слова». Дзеці ахвотна далучыліся да мерапрыемства. Першым выпрабаваннем стала гульня «Роднае слова». Далей ішлі «Загадкі» і «Перакладчыкі». Завяршыла віктарыну гульня «Слававеды»: трэба было пачуць слова, выбраць правільны адказ і падняць шыльдачку з адпаведнай літарай. Удзельнікі ўпэўнена адказвалі на пытанні па-беларуску, і ўсім вельмі спадабалася. А на заканчэнне дзяцей чакаў прыемны сюрпрыз – цудоўная скрынка з цукеркамі.
