Напрыканцы студзеня на Магілёўшчыне чатыры дні праходзіла Міжнародная канферэнцыя «Гэта трэба не мёртвым! Гэта трэба – жывым: Буйніцкае поле – поле памяці», якая была арганізавана Магілёўскімі аблвыканкамам, абласным аддзяленнем Саюза пісьменнікаў Беларусі пры падтрымцы Магілёўскага абласнога аддзялення ГА «Беларускі фонд міру».
Шэраг мерапрыемстваў гэтай канферэнцыі быў праведзен у Кіраўскім раёне: у Борках прайшоў мітынг-рэквіем, прысвечаны памяці ахвяр генацыду беларускага народа падчас Вялікай Айчыннай вайны, на сцэне раённага Дома культуры быў паказаны спектакль «Песня роднай зямлі» па матывах паэм «Медуніца» і «Марыйка». Аўтарам гэтых твораў з’яўляецца наш зямляк-пісьменнік – старшыня Магілёўскага абласнога аддзялення грамадскага аб’яднання «Саюз пісьменнікаў Беларусі» – Аляксандр Казека, які перад прадстаўленнем сказаў кранальныя ўступныя словы прысутным.
Пасля спектакля дэлегацыя Саюза пісьменнікаў Расіі на чале з пісменніцай Ірынай Пенюковай паднялася на сцэну і падзяліліся ўласнымі ўражаннямі ад прагляду.
Калектывам Цэнтральнай бібліятэкі была арганізавана кніжна-ілюстрацыйная выстава «Песня роднай зямлі», дзе госці пакінулі добрыя пажаданні жыхарам раёна.
Таксама ўдзельнікі канферэнцыі паднеслі ў дар раёну кнігу «Легенда по имени «Славный»».
Фота ўласныя і з сайта https://www.kirovsk.by.
