Магчыма, гэта і не нова,
Што слова – зерне на сяўбе,
А хто не любіць роднай мовы,
Той любіць толькі сам сябе…
С. Грахоўскі
Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай.
У філіяле Паўлавіцкая сельская бібліятэка з мэтай папулярызацыі беларускай мовы праведзены краязнаўчыя вячоркі «Мова народа – яго святыня», прысвечаныя Міжнароднаму дню роднай мовы.
Бібліятэкар расказала прысутным пра гісторыю і багацце роднага слова. Затым дзеці адказвалі на пытанні віктарыны «Мы – сябры роднай мовы». У завяршэнні мерапрыемства ўсе жадаючыя ўзялі ўпадабаныя кнігі дадому.
Такiя мерапрыемствы фармiруюць цiкавасць i павагу да роднага слова.
