У Скачкоўскай сельскай бібліятэцы-клубе адбылася літаратурная гасцёўня «Вялікае каханне да малой Радзімы», якая накіравана на папулярызацыю беларускай літаратуры і знаёмства з творчасцю беларускіх пісьменнікаў: Івана Мележа, Івана Шамякіна, Алеся Савіцкага, Уладзіміра Саламахі.
Пад час сустрэчы вялася гутарка пра жыццё і творчасць аўтараў, адбыўся прагляд слайд-прэзентацыі. Асаблівую цікавасць у дзяцей выклікалі займальныя пытанні тэматычнай віктарыны.
Вечар прайшоў у цёплай, сяброўскай атмасферы, поўнай пазітыўных эмоцый, а гукі роднай мовы надалі мерапрыемству асаблівую глыбіню і сардэчнасць.
